முள்ளங்கி ராய்தா

தேவையானவை

முள்ளங்கி ஒன்று,
இஞ்சி சிறு துண்டு,
பச்சை மிளகாய் ஒன்று,
கொத்தமல்லித்தழை சிறிதளவு,
கடுகு, பெருங்காயத்தூள்,
எண்ணெய்,
கறிவேப்பிலை தாளிக்க தேவையான அளவு,
தயிர் ஒரு கப்,
உப்பு தேவையான அளவு.

செய்முறை

முள்ளங்கியை தோல் சீவி துருவவும். கொத்தமல்லி தழையுடன், பச்சை மிளகாய், தோல் சீவிய இஞ்சி சேர்த்து நைஸாக அரைக்கவும். தயிரை கெட்டியாக கடைந்து உப்பு, அரைத்து வைத்த விழுது, துருவிய முள்ளங்கி சேர்த்துக் கலக்கவும். கடாயில் எண்ணெயைக் காயவிட்டு… கடுகு, பெருங்காயம், கறிவேப்பிலை தாளித்து, முள்ளங்கி தயிர் கலவையுடன் சேர்த்துப் பரிமாறவும்.

The post முள்ளங்கி ராய்தா appeared first on Dinakaran.